القضية كانت الخروج من الهم والغم ، وليس شق البحر
هو الكلام ده بجد ؟ يعني مش سحر أو شعوذة و دجل؟
هو ده حقيقي؟ يعني أنا مش خيال مريض؟
هو ده شيئ واقعي ؟ يعني مش أحلام اليقظة؟
إيه المشكلة أصلا
المشكلة بتظهر في الايام اللي السكر فيها مش متظبط سواء بسبب عدم تظبيط الأكل أو نسيان الدواء أو ضغوط العيشة واللي عايشينها، أو كل ده مع بعضه ، وبالتالي محتاج أقيس السكر أكتر من مرة في اليوم
الطريقة الآولي: مطلوب اني اجرح صباعي أكتر من مرة كل يوم ، وأحط نقطة الدم علي الشريحة واحطها علي جهاز قياس السكر وبعدين أنظف كل القرف اللي أنا عملته.
الطريقة التانية: أصحي من النوم وأجري علي المعمل علشان أعمل تحليل سكر صايم، وارجع البيت علشان آكل، وأروح المعمل بعد ساعتين علشان أعمل تحليل فاطر ، وبعدين أروح للمعمل (تالت) علشان أستلم نتيجة التحاليل
إيه اللي حصل؟
من ١٤ يوم ، أخويا وإبني الروحي وصل من الخارج و معاه جهاز قياس السكر FreeStyle Libre عبارة عن مستشعر أو سنسور يتم لصقه علي دراعي ، ومعاه جهاز قارئ علشان أقربه من دراعي ، وبالتالي يقرأ من السنسور و يقول لي قراءة نسبة السكر كام – حالا و الباتش ده موجود علي جسمي لمدة ١٤ يوم
كل ما احتاج لقياس نسبة السكر – أقرب الجهاز علي ةراعي فيعطيني قياس السكر حالا
وأقدر أكرر الموضوع ده عشرات المرات في اليوم الواحد
من غير شكشكة الابرة
من غير المعمل
نيجي للأسئلة المهمة
هو الكلام ده بجد ؟ يعني مش سحر أو شعوذة و دجل؟
هو ده حقيقي؟ يعني أنا مش خيال مريض؟
هو ده شيئ واقعي ؟ يعني مش أحلام اليقظة؟
انتهت ١٤ يوم
النهاردة الثلاثاء ١٤ يونيو الساعة ١ ظهرا – انتهت المدة المحددة لعمل الباتش / السنسور وتوقف ن القراءة كما كان مخططا من البداية – مش مفاجأة يعني
بس أنا إتفاجئت
الخطة دلوقتي تحميل كل البيانات علي البرنامج بتاع شركة أبوت Abbott علشان تحليل البيانات عن الفترة اللي فاتت ومحاولة فهم : إيه ؟
