أيوه مريض سكر … بس باقول لك: كل واستمتع

أولا: لازم أفكرك إني باستعمل جهاز FreeStyle Libre اللي هو بالنسبة لي عصا موسي وباستمتع باستخدامه وسعيد بالاعتماد عليه … اختراع يا كوتش

ثانيا: السكر تقريبا في الحدود المعقولة – يعني مش الأرقام القياسية المعيارية ، بس في الحدود المعقولة

نيجي بقي للمصيبة اللي عملتها:

الفطار مع الدوا – كله تمام

الغدا بقي – ولو إنه كان غدا متأخر أو عشاء مبكر
طبقين أرز بالجمبري أيوه طبقين – مش هنبدأ “القر” من أولها يعني
جمبري وسط – كمية مهيبة – الله أكبر من عينيكم
سمك بحري (مش نيلي) يعني أوميجا وخلافه – أكل بافترا
واللي يعجبك من السلطة والذي منه
وأخذت الحبوب بتاعتي

بعدها بساعتين كان فيه حفلة “آيس كريم” فانيلا بالمانجو – إوعي
أقصي رقم تم قياسه كان ٢٧٥ فقط لا غير – إنت متخيل يا مان ؟

أخدت حقنة الأنسولين في ميعادها
واما صحيت الصبح كان السكر ١٤٤ بس – بعد المصايب دي كلها

من الآخر: كل و استمتع وانبسط بس حافظ علي الادوية بتاعتك

ملاحظة أخيرة: أنا مش الدكتور بتاعك ، لكن دي تجربة شخصية ذاتية – يجوز تناسب بعض الاشخاص ، ولا تناسب أشخاص آخرين – إسأل إستشير