العنوان صادم شوية – بس الموضوع عن تعامل الناس مع المريض

إنت عامل في نفسك كده ليه
عملت إيه علشان ده يحصل
انت خاسس كده ليه؟
سايب نفسك ليه؟
ألف سؤال وسؤال من هذه النوعية باسمعها كل ما أقابل حد

السؤال من باب المحبة – بس السؤال فيه اتهام
من باب الخوف علي المريض – بس فيه اتهام
من باب الإطمئنان – بس  فيه اتهام
من باب المداعبة – لسه السؤال فيه اتهام

مريض السكر

مريض السكر عامل زي اللي راكب بسكلته بعجلة واحدة ، علي حبل مشدود ، وبيلعب بايديه ، ومطلوب مايقعش ولا مرة … علشان يسعد الجمهور
مريض السكر وراه شغل ، وبيت ، وأولاد … لازم يسعد جمهوره ، والمفروض مايقعش ولا مرة

إفهموا بقي

عندك ألف طريقة تانية تطمن بيها علي صحة المريض ، إلا الطريقة البايخة دي

أنا مريض … أنا مش متهم

فلتقل خيرا أو فلتصمت